Bakı. 11 dekabr. REPORT.AZ/ Dövlət Film Fondunda Azərbaycanın tanınmış kino və teatr xadimi, xalq artisti Məmmədrza Şeyxzamanovun 100 illik yubileyi ilə bağlı tədbir keçiriləcək.
Bu barədə "Report"a Dövlət Film Fondundan məlumat verilib.
Yubiley tədbiri dekabrın 15-i saat 17.00-də Film Fondunda keçiriləcək.
M.Şeyxzamanovun 100 illik yubileyinə həsr edilən ilk tədbir Akademik Milli Dram Teatrında təşkil edilib.
Xatırladaq ki, M.Şeyxzamanov 1915-ci ildə Gəncədə anadan olub. Azərbaycan teatr və kinosunun tarixində müxtəlif, maraqlı obrazlar yaradan M.Şeyxzamanov yaddaqalan obrazlara imza atıb.
M.Şeyxzamanov 1984-cü ildə 70 yaşında vəfat edib.
