Bu gün Avropa Liqasının 1/16 final mərhələsinin püşkü atılacaq. Fanat.az хəbər verir ki, UEFA-nın İsveçrənin Nyon şəhərindəki mənzil-qərargahında baş tutacaq mərasim Bakı vaхtı ilə saat 16.00-da başlayacaq.
Püşkdə Avropa Liqasının 12 qrupunda ilk iki pilləni tutmuş 24 və Çempionlar Liqasında qrup üçüncüsü olmuş 8 komanda rəqiblərini tanıyacaq.
Mərasim öncəsi bu 32 komanda səbətlərə bölünüb. Qrup qalibləri "səpələnmiş", ikinciləri "səpələnməmişlər" sırasında düşüb. Çempionlar Liqasından gələn 8 komanda isə reytinqinə əsasən bu səbətlərə bərabər bölünüb.
Azərbaycan klublarının mübarizə aparmadığı mərhələdə Türkiyənin iki təmsilçisinin də rəqibləri müəyyənləşəcək. Çempionlar Liqasında qrup üçüncüsü olan "Qalatasaray"la Avropa Liqasının qrupunda ikinci pilləni tutan "Fənərbaхça" "səpələnməmişlər" səbətində yer alıb.
Səpələnmişlər: Molde (Norveç), Liverpul (İngiltərə), Krasnodar (Rusiya), Napoli (İtaliya), Rapid (Avstriya), Braqa (Portuqaliya), Latsio (İtaliya), Lokomotiv (Rusiya), Bazel (İsveçrə), Tottenhem (İngiltərə), Şalke (Almaniya), Atletik (İspaniya), Mançester Yunayted (İngiltərə), Bayer (Almaniya), Olimpiakos (Yunanıstan), Porto (Portuqaliya).
Səpələnməmişlər: Fənərbaxça (Türkiyə), Syon (İsveçrə), Borussiya (Dortmund, Almaniya), Midtyulland (Danimarka), Vilyarreal (İspaniya), Marsel (Fransa), Sent-Etyenn (Fransa), Sportinq (Portuqaliya), Fiorentina (İtaliya), Anderlext (Belçika), Sparta (Çexiya), Auqsburq (Almaniya), Şaxtyor (Ukrayna), Qalatasaray (Türkiyə), Sevilya (İspaniya), Valensiya (İspaniya).
Fanat.az
