Bakı, 15 dekabr, AZƏRTAC
Polşanın Terespol şəhərində ağır atletika üzrə beynəlxalq turnir keçirilib.
AZƏRTAC xəbər verir ki, 25 gənc atletin iştirak etdiyi yarışda Sinkler cədvəli üzrə qızlar arasında mütləq qaliblər müəyyənləşib. Oğlanlar isə mübarizəni müxtəlif yaş kateqoriyalarda (13, 17 və 20 yaşadək) aparıblar.
Turnirdə iştirak edən “Zirvə” beynəlxalq idman klubunun Polşa filialı olan “Terespol-Zirvə”nin nümayəndələri 2 qızıl, 3 gümüş və 1 bürünc medal qazana biliblər.
