Kanadanın Ontario bölgəsindəki Mississoqa şəhərində naməlum şəxs milli “Lotto Max” lotereyasında 43,3 mln ABŞ dolları udub. APA-nın “RİA Novosti”-yə istinadən verdiyi xəbərə görə, bu barədə lotereya təşkilatçılarının açıqlamasında bildirilir.
“CBC” telekanalının məlumatına görə, lotereya oyunu zamanı daha 8 biletin hər biri 721 min dollar udub. Uğurlu biletlərdən ikisi Ontario ştatında, üçü Kvebekdə, qalan üç bilet isə Britaniya Kolumbiyasında əldə olunub.
