Bakı. 6 yanvar. REPORT.AZ/ "Petlim" limanının inşası prosesi artıq tamamlanıb və buranı istismar edəcək şirkətə təhvil verilib. "Report" xəbər verir ki, bunu İzmirdə təşkil edilən konfransda çıxış edən "Petkim Holding A.Ş."nin baş direktoru Sadettin Korkut deyib.
S.Korkutun sözlərinə görə, bir neçə aya fəaliyyətə başlayacaq liman Türkiyənin 3-cü böyük konteyner limanı olacaq: "Bununla yanaşı, SOCAR da yatırımları davam etdirir. Hələ icra olunan layihələrin davam etdirilməsi ilə Türkiyəyə qoyduğumuz investisiyanın ümumi həcmi 20 mlrd. dollara çatacaq".
