Bakı.15 yanvar. REPORT.AZ/ İstanbulda törədilən terror aktından sonra Sultanəhməd məscidində ilk dəfə cümə namazı qılınacaq.
"Report" "Anadolu" agentliyinə istinadən xəbər verir ki, Türkiyə prezidenti Rəcəb Tayyib Ərdoğan, baş nazir Əhməd Davudoğlu və Dəyanət İşləri Vəqfinin rəhbəri Mehmet Görməz Sultanəhməd məscidindəki cümə namazı mərasiminə qatılacaq.
Qeyd edək ki, yanvarın 12-də Sultanəhməd meydanında törədilən terror nəticəsində 11 nəfər ölüb, 14 nəfər isə yaralanıb.