Qadın güləşi üzrə açıq Azərbaycan kuboku yarışlarının qalibləri müəyyənləşib

Qadın güləşi üzrə açıq Azərbaycan kuboku yarışlarının qalibləri müəyyənləşib
17:28 16 Yanvar 2016
34 Digər
Ölkə mətbuatı
A- A+


Bakı, 16 yanvar, AZƏRTAC
Yanvarın 16-da Hövsan Olimpiya İdman Kompleksində böyüklər arasında qadın güləşi üzrə açıq Azərbaycan kuboku yarışları keçirilib.
AZƏRTAC xəbər verir ki, Dünya Güləş Birliyinin mövcud qaydalarına əsasən, keçirilən yarışda Azərbaycan güləşçiləri ilə yanaşı, Ukrayna, Macarıstan və Qazaxıstandan olan idmançılar da birincilik uğrunda mübarizə aparıblar.
Gərgin idman mübarizəsi şəraitində keçən yarışda Şəfəq Muradzadə (48 kq), Leyla Qurbanova (53 kq), Almaz İsmayılova (55 kq), Yuliya Ratkeviç (58 kq), İrina Netreba (60 kq), Yuliya Tkaç (63 kq, Ukrayna), Gözəl Zutova (69 kq) və Gözəl Manurova (75 kq, Qazaxıstan) fəxri kürsünün ən yüksək pilləsinə qalxıblar.
Çəki dərəcələri üzrə ilk üç yeri tutmuş idmançılar diplom, medal və pul mükafatı ilə təltif ediliblər.
 

RƏYLƏR

BU KATEQORİYADAN DİGƏR XƏBƏRLƏR