Rusiyanın paytaxtı Moskvada "Manej" meydanında icazəsiz etiraz aksiyasında saxlananlar arasında Almaniya və Türkiyə vətəndaşları var.
ANS PRESS-in məlumatına görə, bu haqda Rusiya mətbuatı yazır.
Son məlumatlara görə, meydanda ən azı 171 nəfər saxlanılıb. Bu arada Rusiya Daxili İşlər Nazirliyi saxlanınanlarla bağlı rəsmi açıqlama verib: “Moskvanın mərkəzində icazəsiz etiraz aksiyasının gedişatında 100 nəfər saxlanılıb. Onlar haqda müvafiq tədbirlər görüləcək”.
Qeyd edək ki, Moskva polis bildirmişdi ki, etiraz aksiyasında 1,5 min insan iştirak edib.
