Bakı-Quba yolunda baş verən zəncirvari qəzada 2 nəfər xəsarət alıb - FOTO

Bakı-Quba yolunda baş verən zəncirvari qəzada 2 nəfər xəsarət alıb - FOTO
09:47 21 Fevral 2015
53 Digər
Ölkə mətbuatı
A- A+

[ 21 Fevral 2015 09:43 ]

Quba. Vəli Turan – APA. Gecə saatlarında Bakı-Quba-Rusiya Federasiya dövlət sərhədi avtomobil yolunda qəza baş verib.

APA-nın şimal bürosunun verdiyi məlumata görə, hadisə magistralın Siyəzən rayonu ərazisindən keçən hissəsində qeydə alınıb.

 

Quba istiqamətində hərəkətdə olan “QAZ-24” markalı avtomobil idarəetməni itirərək yolun ortasındakı dəmir maneəyə dəyib. Sonra arxadan gələn “Niva” markalı avtomobil qəzaya uğrayan “QAZ-24”-lə toqquşub.

 

Daha sonra eyni istiqamətdə hərəkətdə olan, Qusar rayon sakini, 34 yaşlı İsmayıl Əliyevin idarə etdiyi “Mercedes” markalı nəqliyyat vasitəsi də “QAZ-24”-ə çırpılıb.

 

Nəticədə “Niva”nın sürücüsü, 56 yaşlı Bakı şəhər sakini İbadulla İdrisov və “Mercedes”in sərnişini, 28 yaşlı Yevlax rayon sakini Fuad Əfəndiyev müxtəlif xəsarətlər alıblar.

 

Onlar Siyəzən Regional Müalicə Diaqnostika Mərkəzinə yerləşdiriliblər.

 

İlkin ehtimala görə, qəza yağıntılı hava şəraitinə uyğun sürət həddinin seçilməməsi səbəbindən baş verib.

 

Faktla bağlı Baş Dövlət Yol Polis İdarəsinin istintaq və təhqiqat idarəsində araşdırma aparılır.


Xəbərin orijinal ünvanı: http://az.apa.az/news/373595

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR