Avropa oyunları ABŞ ərazisində canlı izlənəcək.
ANS PRESS-in məlumatına görə, bu barədə yarışmanın press-relizində xəbər verilir.
Avropa oyunları bu ilin yayında yarışmaların ABŞ-da translyasiya olunması barədə "Universal Sports Network" şirkəti ilə razılıq imzalayıb.
Razılığa əsasən, 12-28 iyun tarixində möhtəşəm açılış və bağlanış tədbirləri də olmaqla Azərbaycanda keçirilən oyunlar "Universal Sports Network" telekanalı və "UniversalSports.com" saytında yayımlanacaq.
Qeyd edək ki, bu ilin 12-28 iyun tarixində Bakıda ilk dəfə olaraq Avropa oyunları keçiriləcək. Yarışlar 20 idman növü üzrə 253 kompleks mükafatlar uğrunda gedəcək. Böyük idman tədbirində 6 min idmançının iştirak edəcəyi gözlənilır. Mənbə
ANS PRESS