Bakı. 7 may. REPORT.AZ/ Bakıda keçirilən "Böyük dəbilqə" turnirinin bugünkü yarışlarından sonra Beynəlxalq Cüdo Federasiyasının prezidenti Marius Vizer final mərhələsində təşkilatçılıq haqda fikirlərini bildirib. "Report"un məlumatına görə, o, Azərbaycanın böyük bir turnirə ev sahibliyi etdiyini söyləyib.
M.Vizer Azərbaycan Cüdo Federasiyasının səmərəli fəaliyyət göstərdiyini bildirib: "Azərbaycanda idmana böyük maraq var. İdmana göstərdiyi diqqət və qayğıya görə ölkə Prezidenti İlham Əliyevə xüsusi təşəkkür edirəm. Doğrudan da çox böyük bir yarış keçirilir və təşkilatçılıqdan razıyam".