İki həftədir yoxa çıxan və Suriyaya qaçdığı iddia edilən 14 yaşlı yeniyetmə İstanbulda tapılıb.
Lent.az-ın “musavat.com”-a istinadən xəbərinə görə, iki həftə əvvəl evindən çıxan 14 yaşlı Y.G.-dan o vaxtdan xəbər yox idi. Ailəsi yeniyetmənin sosial şəbəkələr vasitəsilə “İraq Şam İslam Dövləti” terror təşkilatının üzvləri ilə yazışmalara əsaslanaraq, onun Suriyaya qaçdığından şübhələndiyini bildirmişdi.
Yeniyetmənin atası son açıqlamasında deyib ki, oğlu tapılıb və səhhəti normaldır.
