Avropa Liqasının qrup mərhələsində "Qəbələ"nin rəqibi olan Fransanın "Sent-Etyen" klubu ciddi itki ilə üzləşib.
Milli.Az qol.az-a istinadən xəbər verir ki, komandanın aparıcı hücumçusu Romen Amuma zədələnib.
O, dünən "Lion"a qarşı keçirilən görüşdə sol budundan xəsarət alıb. Müayinədən sonra məlum olub ki, Amumanın zədəsi ciddidir.
"Sent-Etyen"in aparıcı üzvü 6 həftə yaşıl meydanlardan kənarda qalacaq. Bu isə o deməkdir ki, Amuma "Qəbələ"yə qarşı keçiriləcək matçlarda meydana çıxa bilməyəcək.
Xatırladaq ki, "Qəbələ" "Sent-Etyen"lə səfərdə oktyabrın 20-də, evdə isə noyabrın 3-də qarşılaşacaq.
Milli.Az