Bakı. 5 oktyabr. REPORT.AZ/ "Azərbaycanda sümük iliyinin transplantasiyasının aparıldığı 27 ay ərzində 24 nəfərə sümük iliyi köçürülüb".
"Report"un məlumatına görə, bunu Səhiyyə Nazirliyinin baş hematoloqu Çingiz Əsədov deyib.
Onun sözlərinə görə, Azərbaycanda sümük iliyinin transplantasiyası 2014-cü il may ayının 9-dan etibarən aparılır: "Sümük iliyi köçürülən şəxslərin 20-si böyük talassemiya, 4-ü aralıq talassemiya xəstəsi olub. Azərbaycanda sümük iliyinin köçürülməsi əməliyyatlarının hamısı uğurla başa çatıb. Sümük iliyi köçürülən xəstələrə sonradan qan köçürülmə və dəmirqovucu preparatdan istifadəyə ehtiyac olmayıb".
