"Neftçi"nin futbolçusu Vançe Şikov Makedoniya millisinin heyətində növbəti oyununu keçirib.
Milli.Az apasport.az-a istinadən xəbər verir ki, müdafiəçinin komandası DÇ-2018-in seçmə mərhələsi çərçivəsində İsraili qəbul edib.
Start heyətində meydana daxil olan Şikov 51 dəqiqə mübarizə aparıb. Qarşılaşmanın ilk hissəsində qonaqlar 2 cavabsız qol vurduqlarından, ikinci hissənin əvvəllərində baş məşqçi İqor Angelovski onu hücumçu Besart İbraimi ilə əvəzləyib. Bundan sonra Makedoniya yığması qollardan birinin əvəzini çıxsa da, bundan artığına gücü çatmayıb - 1:2.
G qrupunda ardıcıl ikinci məğlubiyyətini alan makedoniyalılar Lixtenşteynlə birlikdə son sıraları bölüşürlər.
Milli.Az
