Bakı. 18 oktyabr. REPORT.AZ/ Azərbaycan "Türk axını" layihəsinin bərpa olunmasını alqışlayır.
"Report" xəbər verir ki, bu barədə Azərbaycan Prezidenti İlham Əliyev "Sputnik"ə müsahibəsində bildirib.
"Qonşularımız və dostlarımız tərəfdən həyata keçirilən hansısa layihələr varsa, indiki halda "Türk axını" layihəsindən söhbət gedir, biz buna yalnız şadıq. Çünki bu, regionda qarşılıqlı əməkdaşlığı, təhlükəsizliyi gücləndirir və ölkələrə regionda iqtisadi və energetika maraqlarını tam həyata keçirməyə imkan verir", - deyə Azərbaycan Prezidenti İlham Əliyev "Rusiya bu gün" BİA-nın baş direktoru Dmitri Kiselyova müsahibəsində vurğulayıb.
