Dünyanın ən uzun müddətli canlı yayımlanan proqramı olmaq üçün rekord qırmağa hazırlaşan fransız şousu "TPMP" qalmaqallı görüntüləri ilə gündəm olub.
Axşam.az-ın xarici KİV-ə istinadən məlumatına görə, jurnalist Jean-Michel Maire canlı yayımın 35-ci saatında Soraya Riffi adlı qadının sinəsindən öpüb.
Aparıcı Maireden xanımın yanağını öpməsini istəyib, lakin Soraya buna etiraz edib. Jurnalist isə gözlənilməz hərəkəti ilə hər kəsi təəccübləndirib.
Sosial media istifadəçiləri bu görüntüləri sərt tənqid ediblər və baş verənləri cinsi istismar olaraq qiymətləndiriblər. Qadın Hüquqları naziri Laurens Rossiqnol yaşananlara Tvitterdə etiraz edib:
"Hətta əyləncə proqramında bir qadın "xeyr" deyibsə, bu, "xeyr" deməkdir".