Bakı. 1 noyabr. REPORT.AZ/ "ABŞ bu regionda sülh və stabilliyin tərəfdarıdır".
"Report" xəbər verir ki, bunu Bakıda jurnalistlərə açıqlamasında ABŞ-ın Müdafiə katibinin Rusiya, Ukrayna və Avrasiya üzrə köməkçisinin müavini Maykl Karpenter deyib.
M.Karpenter oktyabrın 31-də Azərbaycan rəsmiləri ilə də bu barədə müzakirə apardığını vurğulayıb.
"Təkcə onu deyə bilərəm ki, 2002-ci ildən bəri ABŞ müdafiə və təhlükəsizlik məsələləri ilə əlaqədar Azərbaycana 60 mln. dollardan artıq vəsait ayırıb", - ABŞ rəsmisi xatırladıb.
