İŞİD-dən növbəti vəhşilik:100 yaşlı sufi şeyxinin başı kəsildi

İŞİD-dən növbəti vəhşilik:100 yaşlı sufi şeyxinin başı kəsildi
02:14 20 Noyabr 2016
231 Digər
Ölkə mətbuatı
A- A+

Misirin Sinay yarımadasında fəaliyyət göstərən “Vilayəti Sina” qruplaşmasının üzvləri tanınmış  sufi şeyxi Süleyman Əbu Hərrazı edam ediblər.  APA-nın “TASS”a istinadən verdiyi xəbərə görə, terrorçular yaşı 100-dən çox olan şeyxi Əl-Əriş şəhərindəki evinin qarşısına çıxarıblar və dizi üstə çökdürərək başını kəsiblər.   

 

“Əl-Ərəbiyyə” telekanalı edam səhnəsinin əks olunduğu bəzi şəkilləri yayımlayıb.

 

Bölgədə sufizm təriqətinin rəmzi hesab edilən  Süleyman Əbu Hərraz Sinay yarımadasında böyük nüfuza malik dini rəhbər olub.

 

Qeyd edək ki,  Şimali Sinay bölgəsində törədilən terror aktlarının əksəriyyətini “Vilayəti Sina” qruplaşması törədib. “Vilayəti Sina”  üzvləri 2014-cü ildə İŞİD lideri Əbu Bəkr Əl-Bağdadiyə sədaqət andı içərək, qruplaşmanı İŞİD-in Misirdəki qolu elan ediblər.  





RƏYLƏR

BU KATEQORİYADAN DİGƏR XƏBƏRLƏR