Bakı. 2 dekabr. REPORT.AZ/ Futbol üzrə Azərbaycan Kubokunda 1/4 finala yüksələn növbəti komandanın adı məlum olub.
"Report" xəbər verir ki, Bakının AZAL klubu "Rəvan"ı 1/8 final matçında darmadağın edib - 4:0.
Oyunun ilk yarısında bir qol vurulub. 12-ci dəqiqədə Şirməmməd Məmmədov fərqlənib. Fasilədən sonra AZAL qollarını sıralayıb. 62-ci dəqiqədə Mirzağa Hüseynpur, 80-ci və 85-ci dəqiqələrdə David Canelidze "dubl" edib. Qonaqlardan isə 90+1-ci dəqiqədə Zahid Quliyev qırmızı vərəqə alıb.
AZAL-ın növbəti mərhələdəki rəqibi sabah "Qəbələ" və "Zaqatala" komandaları arasında keçiriləcək 1/8 final matçının qalibi olacaq.
Qeyd edək ki, 1/4 finala ilk 2 vəsiqəni isə "Sumqayıt" və "İnter" əldə edib.
