Ukraynanın “Sağ sektor” təşkilatının silahlı qanadı müqavilə əsasında Silahlı Qüvvələrdə xidmət keçməkdən imtina edib.
APA-nın “Ukrinform”a istinadən verdiyi məlumata görə, bunu Ukrayna prezidentinin müşaviri Yuri Biryukov deyib. “Mən şəxsən “Sağ sektor”a tam leqallaşma sxemi təklif etdim. Müqavilə əsasında hərbi xidmətə dair çoxsaylı variantlar təklif olundu. Lakin onlar imtina etdilər”, - deyə Y. Biryukov söyləyib.
Müşavir qeyd edib ki, “Sağ sektor” könüllülərinin öz müstəqilliklərini saxlayaraq və heç kimə tabe olmayaraq leqal qüvvə kimi qalmaq arzusu “elmi fantastika” sırasındandır.
