Bakı. 2 fevral. REPORT.AZ/ "Polşa Avropa İttifaqının "Şərq tərəfdaşlığı" proqramını yenidən canlandırmaq ümidi ilə Belarusla əlaqələri yaxşılaşdırmaq niyyətindədir".
"Report" "Reuters"ə istinadən xəbər verir ki, bunu Polşanın xarici işlər nazirinin müavini Kjiştof Şimanski deyib.
O qeyd edib ki, proqramın iştirakçı olan ölkələrə müxtəlif yanaşma təklif edilərsə, "Şərq Tərəfdaşlığı"nın fəaliyyət göstərməsi mümkün olacaq.
Qeyd edək ki, Aİ-nin altı şərq qonşusu - Azərbaycan, Ermənistan, Gürcüstan, Ukrayna, Moldova və Belarus ilə yaxınlaşmasına yönəlmiş "Şərq Tərəfdaşlığı" proqramı 2009-cu ildə başlayıb. Proqramın təşəbbüskarları Polşa və İsveç olub.
