UEFA AVRO-2016-nın seçmə mərhələsi və final mərhələsində çıxış edən futbolçulara görə 54 ölkənin federasiyalarına 150 milyon avro ödəyib.
Fanat.Az xəbər verir ki, bu barədə qurumun mətbuat xidmətindən məlumat verilib.
Xəbərdə bildirilib ki, bu rəqəm 2012-ci il ilə müqayisədə 50 milyon avro artıb.
100 milyon final mərhələsində çıxış edən futbolçuların klubları arasında bölünüb, qalan 50 milyon isə seçmə mərhələdə çıxış etmiş futbolçuların komandalarına pay edilib. Yekunda 641 kluba kompensasiya ödənilib.
Qeyd edək ki, Albaniya millinin üzvü Ansi Aqolliyə görə "Qarabağ" da UEFA-dan öz payını alıb.
Fanat.Az
