"Klub tapmasam, jurnalist işləyəcəyəm" - Vaqif Cavadov

"Klub tapmasam, jurnalist işləyəcəyəm" -   Vaqif Cavadov
16:37 3 Fevral 2017
17 İdman
Ölkə mətbuatı
A- A+

Qış fasiləsində "Sumqayıt" klubundan ayrılan Azərbaycan milli komandasının futbolçusu Vaqif Cavadovun "Report"a müsahibəsi


- "Transfer pəncərə"si bağlansa da, özünüzə klub tapa bilmədiniz. Bundan sonra necə olacaq?

- Hələlik klub axtarmaqla yanaşı, fərdi şəkildə məşq edirəm. Bəzi variantlar var. Yaxın günlərdə bəlli olacaq.


- Hansı klublarla danışıq aparırsınız?

- Ad çəkmək istəmirəm. Rusiya və Türkiyə klublarından birinə transfer olunmağım mümkündür.


- Söhbət həmin ölkələrin I divizion klublarından gedir?

- Türkiyə ilə bağlı variant I divizion təmsilçisidir. Amma Rusiyada Premyer Liqa komandaları ilə danışıq aparıram.


- Həmin klub Tula "Arsenal"ıdır?

- Bəli, biri bu komandadır. Lakin Rusiya ilə bağlı başqa bir variant da var. Sadəcə, ad çəkməyim düz olmaz.


- "Sumqayıt"dan gedişiniz bir qədər gözlənilməz oldu. Səbəb nə oldu: Baş məşqçi Samir Abasovla münasibətiniz yaxşı deyildi?

- Açığı, bu barədə danışmaq istəmirəm. İrəliyə baxmaq lazımdır.


- Vaqif Cavadov niyə Azərbaycan klublarından heç birinə lazım olmadı?

- Bu, hər bir klubun daxili işidir. İsəmirlərsə, nə edə bilərəm?


- Rusiyanın MOİK klubunun yetirməsininiz, lakin Türkiyədə də iki fərqli komandanın formasını geyinmisiniz. Karyeranızı hansı ölkədə davam etdirmək daha çox ürəyinizcə olar?

- Fərqi yoxdur, təki klub olsun.


- Bəs, olmasa necə?

- Olmasa, jurnalist işləyəcəyəm (gülür - red.).


- Karyeranızı bitirəcəksiniz, yoxsa növbəti mövsümü gözləyəcəksiniz?

- Xeyr, hələ bir neçə ilin oynamaq istəyirəm, cavanam. Hələ 28 yaşım var. 


Fanat.Az


Xəbərin orijinal ünvanı: http://fanat.az/xeber-quotklub-tapmasam-jurnalist-ilycymquot-t56033.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR