"Qırmızı vərəqə haqlı idi" - Ayxan Abbasov

"Qırmızı vərəqə haqlı idi" -   Ayxan Abbasov
16:47 4 Fevral 2017
37 İdman
Ölkə mətbuatı
A- A+

Premyer Liqanın XVI turunda evdə “Kəpəz”ə qalib gələn (1:0) “Zirə”nin baş məşqçisi Ayxan Abbasov oyunsorası mətbuat konfransında jurnalistlərin suallarını cavablandırıb. Fanat.Az xəbər verir ki, Abbasov öncə oyunla bağlı fikirlərini bildirib.

 

- Belə ağır oyundan sonra danışmaq çətindi. İlk dəqiqələrdən qırmızı vərəqə almağımız işimizi çətinə saldı. Bilirdik ki, “Kəpəz” son məğlubiyyətdən sonra bizimlə oyuna ciddi yanaşacaq. Bu matç 6 xallıq oyun idi. “Kəpəz”lə xal fərqini bir az da artırdıq. Bu komandayla oyun həmimşə çətin keçir. Keçən dəfəki oyunda da qırmızı vərəqələr olmuşdu. Futbolçulara, azarkeşlərə təşəkkür edirəm. Oyunçulara da demişəm ki, komandada əzmkarlığı artırmaq lazım olduğunu demişəm.

 

- İki oyun, iki qələbə...

- Bu oyun səfərdə olmalıydı. Düzü iki oyuna 6 xal fikirləşməmişdik. 4 xal planlaşdırmışdıq. Futbolçularda ardıcıl məğlubiyyətlərdən sonra psixoloji cəhətdən gərginlik yaranmışdı.

 

- Yeni transferlərdən razı qaldız?

- Yeni transferləri bir qədər gec etdik. Çünki onların müqaviləsi var idi. Onları bir həftəyə seçməmişik. Bir aydı ki, onları izləyirdik. Hələ tam uyğunlaşmayblar. Bugünkü oyunlarından razı qaldım.     

 

- Bu gün Bəxtiyar Soltanov stadionda idi. Onun komandaya qoşulması mümkündü?

- Bəlkə, “Kəpəz”ə görə gəlib. Ancaq onun mövqeyində oyunçularımız var. Buna görə, onunla maraqlanmırıq.

 

- Bəs sizdə hansı mövqeyə oyunçu lazımdı?

- İstəyərdim ki, dayaq yarımmüdafiəçisi transfer edək. Çünki bu mövqedə 3 oyunçumuz var. Hansısa zədə, sarı vərəqə olsa, çətinlik çəkə bilərik.

 

- Bu gün oyunun “qəhərəman”ı hakim idi. Onun qərarlarıdan razı qaldız?

- Məşqçiliyə başlayanda özümə söz vermişəm ki, hakimlik barədə danışmayacam. Oyunun tempi çox sarı vərəqə olmasının əsas səbəbi idi. Məncə qırmızı vərəqə haqlı idi. Fikrimcə, bu gün hakimlərin üzərinə çox düşmüşük. Hakimlər də insandı, səhv edə bilər. Oyunçular hər epizoddan sonra danışırdı. Belə olmamalıdı. Bu barədə özlərinə də demşəm.

 

- Bu cəhətdən Anar Nəzirov fərqlənirdi...

- Bu barədə onunla danışacam. Qapıçı daha səbrli olmalıdı. Ancaq onun oyununda razı qaldım.

 

- “Zirə” və “Kəpəz” arasında nə baş verir? Ötən oyunlarda da bu cür qalmaqallar olmudşu...

- Rəqib komandanın baş məşqçisinə hörmətim var. Ancaq meydandan kənarda “Kəpəz”lə aramızda heç bir problem yoxdu. Ola bilsin, ancaq rəqabətdən qaynaqlanır


Fanat.Az


Xəbərin orijinal ünvanı: http://fanat.az/xeber-quotqrmz-vrq-haql-idiquot-t56053.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR