ABŞ-ın Konnektikut ştatında uçuş məktəbinə məxsus “Piper PA-38” markalı birmühərrikli təlim təyyarəsi qəzaya uğrayıb.
APA-nın “AP” agentliyinə istinadən verdiyi xəbərə görə, hadisə nəticəsində bir nəfər ölüb, daha 1-i xəsarət alıb.
İnsident İst-Heyven şəhəri yaxınlığında baş verib. Təyyarə havaya qalxarkən qəzaya uğrayıb.
Qəzanın səbəbləri məlum deyil. Faktla bağlı ABŞ Federal Mülki Aviasiya İdarəsi və Milli Nəqliyyat Təhlükəsizliyi Şurası araşdırma aparır.
