Təhsil Nazirliyi ötən il ərzində akkreditasiyadan keçən ali təhsil müəssisələrinin sayını açıqlayıb. Təhsil Nazirliyindən Lent.az-ın sorğusuna cavab olaraq bildirilib ki, 2014-cü il ərzində 3 ali təhsil müəssisəsinin akkreditasiyası prosesinə başlanılıb.
Bunlar Azərbaycan Memarlıq və İnşaat Universiteti, Azərbaycan Texniki Universiteti, Azərbaycan Mədəniyyət və İncəsənət Universitetidir.
Nazirlikdən o da bildirilib ki, 2014-cü il ərzində 25 təhsil müəssisəsinə, o cümlədən 16 məktəbəqədər təhsil müəssisəsinə Təhsil Nazirliyi tərəfindən xüsusi razılıq (lisenziya) verilib.