Bakı. 6 mart. REPORT.AZ/ Bu gün Bakıda təlim-məşq toplanışına start verəcək 23 yaşadək futbolçulardan ibarət Azərbaycan yığma komandasına daha 2 futbolçu çağırılıb.
"Report"un AFFA-nın rəsmi saytına istinadən verdiyi məlumata görə, baş məşqçisi Yaşar Vahabzadə Vüsal İsgəndərli ("Zirə") və Kamal Qurbanovu ("Neftçi") da hazırlıq prosesinə cəlb edib. Ötən gün isə o, Azad Kərimova ("Kəpəz") dəvət göndərmişdi.
Qeyd edək ki, martın 9-dək davam edəcək toplanışa ümumilikdə 17 futbolçu qatılacaq.