Türkiyə telekanallarında yayımlanan evlilik verilişləri bağlanacaq. Lent.az Türkiyə mediasına istinadən xəbər verir ki, bu barədə baş nazirin müavini Numan Kurtulmuş məlumat verib. O bildirib ki, bu verilişlərin bağlanması ilə bağlı prezidentə və baş nazirliyə 100 mindən çox şikayət gəlib: "Biz böyük ehtimalla, qanun hökmündə qərarla bu verilişlərin hamısının qapadılmasını təmin edəcəyik. 120 mindən çox şikayət var. Deyirlər, çox baxılır və reklam gəliri yaxşıdır. Lazım deyil elə reklam. Bu verilişlər türk ailələrinin təməlinə ziyan vurur".
