Nikaha daxil olmaq istəyən gənclərə XƏSTƏLİK ŞOKU

Nikaha daxil olmaq istəyən gənclərə XƏSTƏLİK ŞOKU
11:58 11 Aprel 2017
Ölkə mətbuatı
A- A+

Mart ayı ərzində nikaha daxil olmaq istəyən 274 nəfərdə talassemiya daşıyıcılığı, 9 nəfərdə QİÇS, 36 nəfərdə isə sifilis xəstəliyi aşkarlanıb.

Bu barədə Publika.az-a B.Eyvazov adına Elmi-Tədqiqat Hematologiya və Transfiziologiya İnstitutundan məlumat verilib.

İnstitutdan bildirilib ki, bu ay ərzində ümumilikdə 9 471 nəfər şəxs icbari tibbi müayinədən keçib: “Bu vaxta qədər 97 cütlüyün hər ikisində talassemiya daşıyıcılığı aşkarlanıb. Ötən il ərzində hər ikisində bu xəstəlik aşkarlanan cütlüklərdən 5-i hamiləliyi pozmaq, 20 cütlük isə hamiləliyin davam etdirilməsinə qərar verib. Hamiləliyi davam etdirmək qərarı verən cütlüklərin uşaqları sağlamdır. Mart ayı ərzində isə 2 cütlüyün hər ikisində bu qan xəstəliyi aşkar edilib”.

İnstitutdan bildirilib ki, respublikada nikaha daxil olmaq istəyənlərin icbari tibbi müayinəsi tətbiq olunduğu andan aprel ayının 1-dək 258 min 521 nəfər müayinədən keçib. Onlardan 11 min 215 nəfər talassemiya daşıyıcılığı, 102 nəfərdə siflis, 184 nəfərdə isə QİÇS aşkarlanıb.

Gülxar


Xəbərin orijinal ünvanı: http://publika.az/news/sehiyye/194599.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR