Avropa Parlamenti rouminqin ləğvini təsdiqləyib

Avropa Parlamenti rouminqin ləğvini təsdiqləyib
17:35 11 Aprel 2017
Ölkə mətbuatı
A- A+

Avropa Parlamentinin deputatları aprelin əvvəlində Avropa İttifaqı (Aİ) ölkələri arasında rouminq xidmətinin ləğvinə səs veriblər. Bu ilin iyunun 15-dən qüvvəyə minəcək saziş Aİ-yə daxil olan bütün ölkələr tərəfindən təsdiqlənməlidir.

“ICTnews” Elektron Xəbər Xidməti “IT Weekly” resursuna istinadən yazır ki, qərar beynəlxalq telefon bağlantısı üçün tariflərin məhdudlaşdırılmasını nəzərdə tutur. Belə ki, iyundan etibarən hər giqabayt üçün 7,7 avro təşkil edəcək tarifin məbləği hər il azaldılacaq və 2022-ci ilədək 1 giqabayt üçün 2,5 avro təşkil edəcək. Zənglər üçün tariflər 3,2 avrosent, SMS bildirişi üçün 1 avrosent müəyyənləşdirilib. Son ikinci rəqəm sonuncu rəqəmdir və azaldılmayacaq.

Məlumata görə, iyunun 15-dən etibarən Avropa İttifaqında səyahət edən təşkilata üzv ölkələrin sakinləri mobil internet və telefon danışıqlarından ucuz istifadə imkanı əldə edəcəklər.  

Rouminqin ləğv ediləcəyi ölkələr sırasına Aİ-dən çıxmağa hazırlaşan Böyük Britaniya da daxildir. Bununla belə, Birləşmiş Krallığın 2019-cu ilin martınadək Aİ tərkibində qalacağı gözlənilir. Rouminqin Aİ-yə üzv olmayan İsveçrə və Norveçdə ləğvi gözlənilmir.  

Nizam Nuriyev



Xəbərin orijinal ünvanı: http://ictnews.az/read-47082-news-1.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR