Bu ilin iyununda Finlandiyanın Tampere şəhərində dünyada yeganə olan mumi-trollar muzeyinin açılışı olacaq.
Əvvəllər Mumi-Trollar Vadisi adlanan İncəsənət Muzeyi insanları yazıçı Tuve Yanssonun (1914-2011) sənəti və nağılları ilə tanış edəcək.
Milli.Az AZƏRTAC-a istinadən bildirir ki, Tuulikki Piyetilyanın qurduğu üçölçülü kompozisiyalarda müdrikliyi, səmimiliyi, mehribanlığı və macəra eşqi ilə milyonlarla insanın qəlbini fəth etmiş mumi-trollar haqqında 50-dən çox dilə tərcümə edilmiş nağıllardan səhnələr təsvir olunub.
Muzeyin özünün oxu zalı olacaq. Burada Tuve Yanssonun qəhrəmanlarının dünyasına baş vurmaq olar. Oxu zalının kolleksiyasına mumi-trollar haqqında nağıllar, habelə yazıçının özü haqqında kitablar daxildir.
Milli.Az
Digər maraqlı xəbərlər Milli.Az-ın Facebook səhifəsində
