Bakı. Trend:
Fransa prezidentliyinə namizəd Emanuel Makron Avropa İttifaqını ölkənin ittifaqdan çıxması ilə hədələyib. Trend-in məlumatına görə, o, bəyan edib ki, əgər ittifaq əvvəlki kimi fəaliyyətini davam etdirəcəksə, Fransa "Frexit" prespektivi ortaya qoya bilər.
Prezidentliyə namizəd bunun baş verməməsi üçün ittifaqı özündə mütləq islahatlar aparmağa çağırıb.
O qeyd edib ki, bütün seçki kampaniyası dövründə Avropa ideyası və Aİ-nin siyasətini dəstəkləyib: "Bununla belə, Aİ-nin əvvəlki kimi pozulmuş fəaliyyəti yolverilməzdir".
