Bakıda “Tour d’Azerbaidjan-2017” beynəlxalq velosiped turuna start verilib. Bununla əlaqədar Dövlət Bayrağı Meydanında komandaların təqdimatı keçirilib.
Publika.az xəbər verir ki, tədbirə veloturun Təşkilat Komitəsinin sədri, Azərbaycan Velosiped İdmanı Federasiyasının vitse-prezidenti, Avropa Velosipedçilər Birliyinin Rəhbər Komitəsinin üzvü Sahib Ələkbərov da qatılıb. 18 ölkədən 22 komandanın təqdim edildikdən sonra yürüşün birinci mərhələsinə start verilib. İştirakçılar bu mərhələdə Bakı - Sumqayıt marşrutu üzrə 150 km məsafə qət edəcəklər. Finiş Sumqayıt şəhər icra hakimiyyətinin qarşısında olacaq.
Qeyd edək ki, ümumilikdə 5 mərhələdən ibarət “Tour d’Azerbaidjan-2017”yə mayın 7-də yekun vurulacaq.
Foto: Nurlan Gülməmmədov
