Bakıda intihar edən 32 yaşlı Susanna Şakir qızı Şərifova ilə bağlı cinayət işinin istintaqı davam etdirilir.
Metbuat.az xəbər verir ki, istintaq çərçivəsində qadının qeyri-rəsmi münasibətində olduğu əri Əbülfəs Baxşıyev barəsində 3 ay müddətinə həbs-qətimkan tədbiri seçilib.
İstintaqa daxil olan məlumta əsasən, S.Şərifova 2009-cu ildən bəri birgə yaşadığı həyat yoldaşı tərəfindən mütəmadi olaraq zorakılığa məruz qalıb. Həttə Əbülfəs dostlarının yanında xanımının başını qırxaraq onu alçaldıb, tez-tez döyərək işgəncə verib. Daim saçlarını uzadan Susannanın hadisə günü saçlarının çox qısa olması da bunu göstərir.
Qeyd edək ki, Susanna mayın 15-də Bakı şəhərinin Nəsimi rayonu ərazisində özünü pəncərədən ataraq intihar edib.
