Play Store

Azərbaycan Xəzər Dəniz Gəmiçiliyinin investisiyaları 300 mln. dollara çatacaq

Azərbaycan Xəzər Dəniz Gəmiçiliyinin investisiyaları 300 mln. dollara çatacaq
12:32 23 İyun 2017
Ölkə mətbuatı
A- A+

Bakı. 23 iyun. REPORT.AZ/ Fəaliyyətə başlamasından ötən beş il ərzində "Azərbaycan Xəzər Dəniz Gəmiçiliyi" QSC-nin həyata keçirdiyi investisiyaların ümumi həcminin ən azı 300 mln. ABŞ dollarına çatacağı gözlənilir.
"Report" xəbər verir ki, bunu 23 iyun - Dənizçi günü peşə bayramı münasibətilə keçirilən tədbirdə QSC-nin sədri Rauf Vəliyev bildirib.
O qeyd edib ki, 3 il ərzində "Xəzər Dəniz Gəmiçiliyi" balansına 17 ədəd gəmi qəbul edib: "Bu gəmilərin dəyəri 155 mln. dollar təşkil edib. Bu, qurumun 3 il müddətində daxili vəsaitlər hesabına yatırdığı investisiyadır". 
"Hazırda Gəmiqayırma Zavodunda 4 ədəd yeni gəmi sifariş olunub. Bu da 110 mln. dollarlıq investisiyadır. Beləliklə, əgər əlavə sərmayə olmasa, fəaliyyətə başlamasının 5 illiyində investisiyanın həcmi 300 mln. dollara yaxın olacaq", - deyə şirkət rəhbəri bildirib.
R.Vəliyev hazırda "Xəzər Dəniz Gəmiçiliyi"nin 11 gəmisinin beynəlxalq sularda üzdüyünü də qeyd edib.
Qeyd edək ki, Azərbaycan Prezidentinin "Azərbaycan Xəzər Dəniz Gəmiçiliyi" QSC-nin yaradılması haqqında 22 oktyabr 2013-cü il tarixli 6 nömrəli və "Azərbaycan Xəzər Dəniz Gəmiçiliyi" QSC-nin fəaliyyətinin təşkili haqqında 10 yanvar 2014-cü il tarixli 213 nömrəli sərəncamlarına əsasən, ölkədə mövcud olan iki böyük donanmanın – Azərbaycan Dövlət Xəzər Dəniz Gəmiçiliyi və Azərbaycan Dövlət Neft Şirkətinin Xəzər Dəniz Neft Donanmasının birləşdirilərək yenidən təşkil olunması yolu ilə yaradılıb.

Xəbərin orijinal ünvanı: https://report.az/i-nfrastruktur/azerbaycan-xezer-deniz-gemiciliyinin-investisiyalari-300-mln-dollara-catib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR