Bakı. 19 sentyabr. REPORT.AZ/ Türkiyə, Yunanıstan və İtaliya arasında təbii qaz ticarətinin inkişaf etdirilməsi ilə bağlı anlaşma qüvvəyə minib. "Report" xəbər verir ki, bu barədə "Haberler" saytı məlumat yayıb.
Qeyd edək ki, anlaşma artıq Türkiyənin rəsmi mətbuatında yayımlanıb. Anlaşmada qaz nəqli dəhlizi ilə 3 ölkə arasında təbii qaz ticarətinin artırılacağı nəzərdə tutulub. Enerji idxalı mənbələrinin şaxələndirilməsi ilə yanaşı, eyni zamanda tərəflərin və digər Avropa bazarlarının da qaz təminatının təhlükəsizliyini hədəf alan anlaşma bu ölkələrdə qaz likvidliyini təmin etməyi planlaşdırır.
Anlaşmaya əsasən, Türkiyədən "BOTAŞ", Yunanıstandan DESFA və İtaliyadan "Poseydon" şirkətləri sistem operatorları kimi bölgələrində fəaliyyət göstərəcək.