“Google” şirkəti astronomiya həvəskarları üçün planet və peykləri öyrənmək imkanı təqdim edərək onların üçölçülü (3D) modellərini kartoqrafik servisə əlavə edib.
“ICTnews” Elektron Xəbər Xidməti “Life” resursuna istinadən yazır ki, Venera, Pluton və əksər Saturn peyklərinin maksimum oxşar modelləri ABŞ Kosmik Agentliyi (NASA) və Avropa Kosmik Agentliyinin məsləhətçilərinin köməyi ilə yaradılıb. Maraqlıdır ki, fotoşəkillərin əsas mənbəyi rolunda bu ilin sentyabrında Saturna başa çatan missiya çərçivəsində yüzlərlə şəkil çəkən “Cassini” kosmik aparatı oynayıb.
Məlumata görə, miqyas artırılan zaman modeldə coğrafi obyektlərin adları görünməyə başlayır.
Bundan əvvəl istifadəçilər yalnız Yer, Ay, Mars, Merkuri modellərini və Beynəlxalq Kosmik Stansiyanın interyerini tədqiq etmək imkanından yararlana biliblər.
Nizam Nuriyev
