Bakı, 6 aprel, AZƏRTAC
"Microsoft Azerbaijan" və "Incadea" şirkətlərinin birgə təşkilatçılığı ilə Bakıda aprelin 10-da "Avtobiznes üçün müasir həllər" mövzusunda seminar keçiriləcək.
"Microsoft Azerbaijan” şirkətindən AZƏRTAC-a bildirilib ki, seminar avtodilerlər, satış, xidmət idarəetməsi və müştərilərlə iş üzrə menecerlərin, maliyyə menecerləri, biznes rəhbərləri nümayəndələri üçün nəzərdə tutulub.
Tədbirdə "Incadea" şirkətinin avtobiznes üçün idarəetmə sistemi, biznes-analitika üçün əlavə, "Microsoft"-un yeni texnologiyalarının istifadəsi ilə hazırlanmış yeni proqram təminatları təqdim ediləcək, həmçinin avtodilerlər üçün "Office 365" haqda məlumat veriləcək.
Qeyd edək ki, "Incadea" şirkəti avtomobillərin topdan və pərakəndə satışı üçün xidmət və həll təchizatçısıdır.