Gəncədə “QAZ”, Bakıda “Oka” markalı avtomobil yanıb. Lent.az-ın Fövqəladə Hallar Nazirliyinin mətbuat xidmətinə istinadən məlumatına görə, Nizami rayonunda vətəndaşa məxsus “QAZ” markalı minik avtomobilinin mühərrik hissəsi alovlanıb. Avtomobilin qalan hissəsi yanğından mühafizə olunub.
Bənzər hadisə Bakı şəhəri, Xəzər rayonunda qeydə alınıb. Vətəndaşa məxsus "OKA" markalı minik avtomobilinin yanar hissələri yanıb. Yaxınlıqdakı ağaclar yanğından mühafizə olunub.
Hər iki faktla bağlı araşdırma aparılır.