Bakı. 12 yanvar. REPORT.AZ/ Əsas payı Azərbaycan Dövlət Neft Şirkətinə (SOCAR) məxsus olan “Petkim Holding”in rəhbər şəxsləri yanvarın 15-dən başlayaraq İrlandiya birjasında yerləşdirilməsi planlaşdırılan 500 mln. dollara qədər avrobond emissiyası üçün Böyük Britaniya və ABŞ-da potensial investorlarla görüşlər keçirəcək.
“Report” xəbər verir ki, bu barədə “Petkim” Türkiyənin İctimaiyyəti Məlumatlandırma Platformasında (Kamuyu Aydınlatma Platformu- KAP) məlumat yayıb.
Məlumata görə, “Petkim”in avrobond emissiyası üçün ABŞ-ın “Goldman Sachs” və “JP Morgan” investisiya banklarına səlahiyyət verilib.
