Bakı. 18 yanvar. REPORT.AZ/ Kanadada məktəbli qız bıçaqla həmyaşıdını və məktəbin əməkdaşını yaralayıb.
“Report” xəbər verir ki, bu barədə “Global News” telekanalı məlumat yayıb.
Məlumata görə, hadisə Pikerinq şəhərində baş verib. İnsident 16 yaşlı qızların mübahisəsi nəticəsində olub. Orta məktəbin əməkdaşı məktəbliləri ayırmaq istəyərkən o da bıçaq xəsarəti alıb.
Telekanalın məlumatına görə, qarşıdurma zamanı xəsarət almış məktəbli xəstəxanaya yerləşdirilib. Dalaşanları ayırmaq istəyən qadının yüngül xəsarət aldığı bildirilir. Ona tibbi yardım göstərilib.
Məktəbə gələn polis əməkdaşları hücum edən qızı saxlayıblar. O, hazırda həbs edilib.
