ABŞ-ın "United Airlines" aviaşirkətinin UA1175 reysi ilə San-Fransisko şəhərindən Havay adalarının paytaxtı Honoluluya uçan Boeing 777 təyyarəsində insident yaşanıb.
Milli.Az CBS-ə istinadən bildirir ki, Boeing 777 təyyarəsi Honolulu hava limanından 36 dəqiqəlik məsafədə olanda onun sağ mühərrikindən parçalar qopmağa başlayıb.
Təyyarədə olan sərnişinlərdən biri, "Google UX" şirkətinin əməkdaşı Erik Həddad Twitter-dəki profilində olayın videogörüntülərini paylaşaraq yazıb: "Bu, çox təhlükəli və pis hadisə idi".
Təyyarə Honolulu hava limanına uğurla enib.
Enişdən dərhal sonra Boeing-ə xilasedicilər, texniki xidmət servisinin əməkdaşları və yanğınsöndürənlər üz tutublar.
"United Airlines" olayı təsdiqləyib və mühərrikin qapağının səmada qopub düşdüyünü bildirib.
Milli.Az
Videonu izləmək üçün şəklə klikləyin:
