Türkiyənin Uluslararası İşbirliyi Platformunun təşkilatçılığı ilə bu gün Antalyada “Türkiyə-Rusiya iş adamlarının “Yüksələn Avrasiyada Türkiyə-Rusiya ilişkilərinin gələcəyi” konfransı öz işinə başlayıb.
Konfransda iştirak edən əməkdaşımızın verdiyi xəbərə görə, Bələkdəki "Maxx Royal" Hoteldə düzənlənən tədbirə qatılmaq üçün iki ölkənin iş dünyasının tanınan isimləri ilə yanaşı, siyasilər də qatılıb.
Onların sırasında Azərbaycan əsilli iş adamı, hüquq professoru İlham Rəhimov, Türkiyə İqtisadiyyat nazirinin müavini Fatih Metin, Antalya Böyük Şəhər Bələdiyyəsinin başqanı Menderes Türel, SETA Genəl Koordinatoru Burhanettin Duran, politoloq Aleksandr Duqin, OİC Ölkələri Parlamentlər Birliyinin baş katibi Mahmut Erol Kılıç, İPSA başqanı, professor İlter Turan, Rusiya-Türkiyə İşbirliyi Şurasının başqanı Ahmet Palankoev, Rusiyanın Ankaradakı səfiri Aleksey Yerxov, Rusiya prezidentliyinə namizəd olmuş Sergey Baburin, Rusiya və Türkiyənin fikir və siyasət adamları, Rusiyada böyük iş fəaliyyətində olan Azərbaycan kökənli biznesmenlər Antalya sammitində iştirak edirlər.
Dünən rusiyalı qonaqların şərəfinə axşam ziyafəti verilib.
Konfransda bank işi, təhsil, enerji, heyvandarlıq, inşaat, müdafiə sənayesi, kənd təsərrüfatı, tekstil, turizm və nəqliyyat sektorlarında iki ölkənin işbirliyinin dərinləşdirilməsi yolları müzakirə edilir.
