Ermənistan Müdafiə Nazirliyinin növbəti yalanına cavab

Ermənistan Müdafiə Nazirliyinin növbəti yalanına cavab
15:46 12 Yanvar 2015
164 Ölkə
Ölkə mətbuatı
A- A+

Azərbaycan Müdafiə Nazirliyi növbəti dəfə erməni yalanını ifşa edən məlumat yayıb.

Müdafiə Nazirliyinin mətbuat xidmətindən ANS PRESS-ə verilən xəbərə görə, məlumatda Ermənistanın Müdafiə Nazirliyi yanvarın 11-də dövlət sərhəddi və yanvarın 12-də cəbhəboyu zonadakı vəziyyət barədə növbəti dəfə biri-birindən absurd, heç bir normal düşüncə tərzinə sığmayan, tam erməni xislətinə və məntiqinə uyğun dezinformasiya xarakterli xəbərlər yaydığı bildirilir. Acı gülüş və təəccüb hissi doğuran bu cür məlumatların adət halını alması Ermənistanın öz uğursuzluğunu qarşı tərəfdə axtarması cəhdindən başqa bir şey deyildir.

Düşmən öz xalqına yalanı sırımaqla yanaşı, artıq dünya ictimaiyyətini də yanlış və saxta xəbərlərlə çaşdırmağa çalışır. Ermənistanın Müdafiə Nazirliyi hansısa diversantlarla virtual döyüş aparır, guya beynəlxalq humanitar hüquqa riayət etmək şərtilə "neytral zonada" qalan "cəsədin" götürülməsinə şərait yaradır, hətta məcburən səngərlərə gətirib yerləşdirdikləri ahıl erməni çobanın da ölümünü Azərbaycan tərəfinin üstünə yıxmağa cəhd göstərir.

Müdafiə Nazirliyi rəsmi olaraq bildirir ki, Silahlı Qüvvələrimizin bölmələri əməliyyat şəraitinə tam nəzarət edir və müdafiənin ön xəttində yerləşən bölmələrimiz sutka ərzində heç bir itki verməyib.

RƏYLƏR

BU KATEQORİYADAN DİGƏR XƏBƏRLƏR