Hindistanda tükürpərdici hadisə baş verib.
Metbuat.az “Haberler.com”a istinadən xəbər verir ki, yoldan keçən vətəndaşlar birdən qəribə səs eşidib. Geeta adlı bir qadın bala pişiyin kanalizasiyaya sıxışdığını düşünüb və kömək etməyə qərar verib.
Kanalizasiyadan gələn səsin bir pişiyə deyil, yeni doğulmuş bir körpəyə aid olduğunu gördükdə qadın şok olub. Ayaqlarından tutaraq onu sudan çıxarıb. Körpənin bədəni göyərmiş, göbək bağı boynuna dolanmış formada olub. Geeta soyuqqanlı davranaraq körpəni boynuna dolanan göbək bağından xilas edib.
Körpəni təmiz su ilə təmizləyərək xəstaxanaya aparıb. Körpə reanimasiyaya yerləşdirilib. Geeta isə ona “azadlıq” mənasın verən Sutantiram adının qoyulmasını istəyib.
