Rusiyanın Yekaterinqburq şəhərində ibtidai sinif müəllimi olan Viktoria Demeshkina sosial şəbəkədə etdiyi paylaşımlar səbəbi ilə vəzifədən uzaqlaşdırılıb.
Metbuat.az-ın “Mynet.com”a istinadən verdiyi məlumata görə, valideynlərin şikayətindən sonra hərəkətə keçən məktəb rəhbərliyi müəllimdən fotolarını silməsini istəyib. Amma müəllimə bu istəyi qəbul etməyib.
Fotolar silinmədiyinə görə məktəbdən uzaqlaşdırılan Viktoria “şəkillər yalnız həyatımdakı anları göstərir. Bu mənim şəxsi həyatımdır və buna heç kim qarışa bilməz” - deyərək özünü müdafiə edib.
Şikayətçi olan valideylərdən biri isə “Fotoları instaqram hesabında gördüm və bir çoxu cinsi xarakterli idi. Baxış şəkli, geyimləri uşaqlara mənfi şəkildə təsir edə bilər” - deyib.