Moskvanın Vnukovo hava limanında gömrükçülər 15 kq kokain ilə Ukrayna vətəndaşını saxlayıb.
ANS PRESS-in məlumatına görə, ukraynalı Dominikan respublikasından 15,5 kq kokaini Rusiyaya keçirməyə çalışıb.
"Sərnişinlərin gömrük nəzarəti zamanı "Punta-Kana - Moskva" reysi ilə gələn 1988-ci il təvəllüdlü Ukrayna vətəndaşı saxlanılıb. Onun əl yükündə 4 polietilen bükülüdə 15,5 kq narkotik vasitə (kokain) aşkar edilib", - deyə Federal Gömrük Xidmətinin məlumatına bildirilir. Saxlanılan şəxs barəsində cinayət işi açılıb.
FGX həmçinin qeyd edib ki, bu Vnukovo gömrüyünün tarixində kokain qaçaqmalçılığının ən böyük hadisəsidir.
MənbəANS PRESS
