Bahar Muradova: "Belarusa səfər Prezident İlham Əliyevin xarici siyasət istiqamətində növbəti uğurudur"

Bahar Muradova: "Belarusa səfər Prezident İlham Əliyevin xarici siyasət istiqamətində növbəti uğurudur"
12:32 21 Noyabr 2018
37 Ölkə
Ölkə mətbuatı
A- A+

Hesab edirəm ki, Belarusa səfər Prezident İlham Əliyevin xarici siyasət istiqamətində növbəti uğurudur.

Milli.Az Trend-ə istinadən xəbər verir ki, bunu jurnalistlərə açıqlamasında Milli Məclisin sədr müavini Bahar Muradova deyib.

Onun sözlərinə görə, ölkə başçısı İlham Əliyevin Belarus səfəri Azərbaycanın xarici siyasətinin müsbət nəticələrindən biri kimi özünü göstərdi.

Azərbaycan və Belarusun strateji tərəfdaş olduğunu xatırladan B.Muradova qeyd edib ki, dövlətlərimiz bir çox vacib məsələlərdə qarşılıqlı faydalı əməkdaşlıq həyata keçirir: "Bir çox məsələlərdə mövqe birliyi var. Bu səfər zamanı səsləndirildi ki, hər hansı bir xəbərdarlıq müzakirə olunmadan hər iki dövlət bir-birinin maraqlarını qarşılıqlı şəkildə bütün müstəvilərdə qoruyur. Bunun nümunələrini bu günə qədər göstəriblər".

Vitse-spiker deyib ki, bu səfər həm müzakirə olunan məsələlər, həm imzalanan sənədlər, həm də hər iki prezidentin verdiyi bəyanatın ruhu ilə diqqəti çəkdi: "Dağlıq Qarabağ münaqişəsi, o cümlədən bu tip konfliktlərin beynəlxalq hüququn prinsipləri, dövlətlərin ərazi bütövlüyü və suverenliyi prinsipləri əsasında həll olunmasının vacibliyinin vurğulanması onu göstərir ki, getdikcə dünyada bu mövqeni dəstəkləyən ölkələrin sayı çoxalır. Azərbaycan və Belarus da bu kimi məsələlərdə öndə gedən dövlətlərdir. Eyni zamanda bizim xalqlarımızın, müvafiq dövlət qurumlarının, o cümlədən prezidentlərimizin möhkəm dostluğunun münasibətlərə çox müsbət təsir göstərdiyinin şahidi oluruq".

Milli.Az


Xəbərin orijinal ünvanı: https://news.milli.az/politics/705758.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR