Həlledici AN YAXINLAŞDI, torpaqları qaytarmağın YOLU... - GÜNÜN SİYASİ XÜLASƏSİ

20:03 18 Dekabr 2018

38 Digər

Ölkə mətbuatı

A- A+

Rusiya prezidenti 2019-cu il Silahlı qüvvələrin əsas vəzifəsini açıqlayıb. Vladimir Putin ABŞ-ın Orta və kiçik mənzilli raketlərin məhv edilməsi haqqında Müqavilədən çıxışını beynəlxalq təhlükəsizlik üçün ən ağır nəticələrə səbəb olacağını bildirib. Türkiyə Silahlı Qüvvələri və Azad Suriya Ordusunun Fərat çayının şərqində yerləşən terror birliklərinə qarşı keçirəcəyi hərbi hərəkatın planı artıq hazırdır. İran prezidenti Həsən Ruhani türkiyəli həmkarı Rəcəb Tayyib Ərdoğanın dəvəti ilə sabah Türkiyəyə səfər edəcək. Böyük Britaniya noyabrın 25-də Kerç boğazı ətrafında baş verən hadisə ilə əlaqədar “HMS Echo (H87)” gəmisini Qara dənizə göndərib.

“Azərbaycan cəbhədə yeni qüvvələr toplayır və zamanı gələndə bundan Qarabağda istifadə edəcək”. Bu iddia ilə erməni ekspert Taron Ovannisyan çıxış edib.

Onun sözlərinə görə, Bakı Ermənistanın yeni hakimiyyətinə “aprel müharibəsi” mesajı verir.

“Azərbaycan bildirir ki, Serj Sarkisyan “aprel müharibəsi”ndə məğlubiyyətə görə hakimiyyətini itirdi. Əgər yeni hakimiyyət münaqişənin nizama salınması təklifi ilə razılaşmasa, “aprel müharibəsi” təkrarlanacaq. Bəzi postların Azərbaycan sərhəd qoşunlarına verilməsi yeni hazırlıqdan xəbər verir”, - deyə o bildirib.

Azərbaycan Prezidentinin əmri ilə Ermənistanla sərhədin Qazax və Ağstafa istiqamətlərində bəzi postların sərhəd qoşunlarının xüsusi bölmələrinə verilməsi İrəvanda ciddi narahatlıq yaradıb. Bununla bağlı danışan Qarabağ müharibəsində I kəşfiyyat-diversiya dəstəsinin komandiri olmuş Vova Vartanov hazırda Azərbaycan tərəfinin aktivliyinin müşahidə olunduğunu deyib.

Erməni kəşfiyyatçıdan ŞOK AÇIQLAMA: Azərbaycan Qarabağa yeni ORDU GÖNDƏRİR

Azərbaycanın Qazax və Ağstafa istiqamətlərində bəzi postlara sərhəd qoşunlarını yerləşdirməsi Ermənistanda “Bakı nəyə hazırlaşır?” kimi təşviş dolu suallar yaradıb. Erməni şərhçi Aram Amatuni Bakının yeni plan hazırladığını iddia edib.

Ordumuzun cəbhədəki bu həmləsi İrəvanı SİLKƏLƏDİ - Düşmən TƏŞVİŞ İÇİNDƏ

Fransanın ATƏT-in Minsk qrupunun həmsədr ölkəsi kimi Dağlıq Qarabağ münaqişəsinin dinc yolla, ədalətli və uzun müddətli tənzimlənməsində səylərini davam etdirəcəyinə əmin ola bilərsiniz. Bunu Fransa Prezidenti Emmanuel Makron Ermənistanın Baş naziri səlahiyyətlərini icra edən Nikol Paşinyana göndərdiyi təbrik məktubunda bildirib.

Türkiyə Silahlı Qüvvələri və Azad Suriya Ordusunun Fərat çayının şərqində yerləşən terror birliklərinə qarşı keçirəcəyi hərbi hərəkatın planı artıq hazırdır. “Mehmetçik” hərəkətə keçmək üçün əmr gözləyir.

24 min əsgər eyni anda HƏRƏKƏTƏ KEÇƏCƏK - Düşməni darmadağın edəcək PLAN ÜZƏ ÇIXDI

Rusiya, İran və Türkiyənin xarici işlər nazirləri - Sergey Lavrov, Məhəmməd Cavad Zərif və Mövlud Çavuşoğlu bu gün Cenevrədə görüşəcəklər. Görüşdə Suriya konstitusiyasının hazırlanması üzrə komitənin tərkibi təsdiq ediləcək.

Suriyanın taleyini kimlər yazacaq? – Həlledici AN YAXINLAŞDI

“Qonşumuz Suriyada təxminən 8 ildir davam edən zülm hər gün yeni canlar almağa davam edir. Bir milyon müsəlmanın qətl edildiyi Suriyada rəhbərlik hələ də öz yerini qorumaq üçün mübarizə aparır”. Bunu ölkə prezidenti Rəcəb Tayyib Ərdoğan deyib.

Onun sözlərinə görə, biriləri də Suriya prezidenti Bəşər Əsədə yerini qorumasına kömək edir.

Xatırladaq ki, ötən gün Türkiyənin xarici işlər naziri Mövlud Çavuşoğlu Ankaranın Bəşər Əsəd rejimi ilə əməkdaşlıq imkanlarını nəzərdən keçirməsinə dair iddiaları təkzib edib.

"Biz Əsədin etdiklərini qəbul etdiyimizi heç vaxt deməmişik və deməyəcəyik. Bizə sual olunub: ədalətli seçkilər keçiriləcəyi təqdirdə Əsədlə işləyəcəksinizmi? Mən cavab verdim: əgər belə (demokratik – red.) seçkilər olarsa, hamı bu vəziyyəti nəzərdən keçirə bilər. Mən bizim Əsədlə işləyəcəyimiz və ya onu qəbul edəcəyimiz anlamına gələ biləcək ifadə işlətməmişəm", - deyə Çavuşoğlu bildirib.

İran prezidenti Həsən Ruhani türkiyəli həmkarı Rəcəb Tayyib Ərdoğanın dəvəti ilə sabah Türkiyəyə gələcək. İki günlük səfəri zamanı İran prezidentini yüksək vəzifəli iqtisadi və siyasi heyət müşayiət ediləcək.

Ruhani və Ərdoğan 5-ci Yüksək Strateji Əlaqələr Şurasının toplantısına qatılacaq. Toplantıda iki ölkə arasındakı ticarət dövriyyəsinin 30 milyard dollara çıxarılması üzrə dövlət başçılarının hədəfi müzakirə ediləcək. Səfər çərçivəsində iki ölkə prezidenti arasında iqtisadi, mədəni və siyasi sahələrdə əhəmiyyətli müqavilələrin imzalanması gözlənilir.

Rusiya 2016-cı il ABŞ prezident seçkilərində Donald Trampa kömək edib. Bu faktı Amerikanın “Vaşinqton Post” qəzeti ortaya çıxarıb.

Qəzet bu iddia haqqında ABŞ Konqresinə təqdim edilmək üçün hazırlanan hesabatı ələ keçirib. Hesabatda “Google”, “Facebook” və “Twitter” daxil olmaqla, bir çox sosial media platformalarında paylaşılan milyonlarla postun analiz nəticələri yer alıb. Nəticədə, həqiqətən də, Rusiyanın internet vasitəsilə Donald Trampın seçkilərdə qalib gəlməsinə kömək etdiyi ortaya çıxıb.

Hesabat sosial media analiz şirkəti olan və Oksford Universitetinin tərkibində yer alan “Computational Project and Graphika” (Hesablama Layihəsi və Grafika) tərəfindən hazırlanıb. Hesabatda yer alan paylaşımlar seçkiqabağı kampaniya ərəfəsində prezidentlik uğrunda yarışan namizədlərin müzakirə proqramlarına və ya partiyasının zirvələrinə qatıldığı anda paylaşıldığı qeyd olunub.

Sənəd bütövlükdə bu həftənin sonunda ictimaiyyətlə paylaşılacaq.

ABŞ Rusiya və Çinin hipersonik silahının yeni nəslindən lazımi müdafiəyə malik deyil. Bu haqda ölkənin Hesablama Palatasının məruzəsində deyilir.

İdarə qeyd edir ki, Moskva və Pekin yeni silaha güclü diqqət ayırır, çünki onun sürəti və manevr qabiliyyəti raket əleyhinə müdafiə sistemlərinin əksəriyyətinə zərər vura bilər. Bundan başqa, hesabatda əlavə edilir ki, hipersonik texnologiyalarından adi və nüvə raketlərinin müasirləşdirilməsi üçün istifadə etmək olar.

“Heç bir əks-tədbir mövcud deyil”, - Hesablama Palatası yekunlaşdırıb.

ABŞ-ın Orta və kiçik mənzilli raketlərin məhv edilməsi haqqında Müqavilədən çıxışı beynəlxalq təhlükəsizlik üçün ən ağır nəticələrə səbəb olacaq. Bu haqda Rusiya prezidenti Vladimir Putin Müdafiə Nazirliyi kollegiyasının genişləndirilmiş iclasında çıxışında deyib.

Putin dünya təhlükəsizliyinin iflasını xəbər verdi - VİDEO

2019-cu ildə Rusiya Silahlı qüvvələrin əsas vəzifəsi “nüvə triadası”nın (qitələrarası ballistik raket, strateji bombardmançı təyyarələr və atom sualtı qayıqları –red.) döyüş potensialının möhkəmləndirilməsidir. Bu haqda Rusiya prezidenti Vladimir Putin Müdafiə Nazirliyinin kollegiya iclasında bildirib.

Prezidentin sözlərinə görə, raket əleyhinə müdafiə sistemlərinin öhdəsindən gələn daha sürətli və müasir silahlara keçmək lazımdır.

Putin dünyanı “nüvə triadası” ilə HƏDƏLƏDİ

SSRİ və ABŞ arasında imzalanmış Orta və kiçik mənzilli raketlərin ləğvi haqqında Müqavilə Sovet İttifaqı üçün birtərəfli silahsızlaşma oldu. Bu haqda Rusiya prezidenti Vladimir Putin Müdafiə Nazirliyinin kollegiya iclasında bildirib.

“Bu, bir Allaha məlumdur” – Putindən SENSASİYALI AÇIQLAMA

Ukrayna hərbi metodlara qaçmadan Krım və Donbas üzərində nəzarəti bərpa edəcək. Regionlar xüsusi siyasi-diplomatik yolla qaytarılacaq. Bu haqda Ukrayna Xarici İşlər Nazirliyinin bəyanatında deyilir.

Böyük Britaniya noyabrın 25-də Kerç boğazı ətrafında baş verən hadisə ilə əlaqədar “HMS Echo (H87)” gəmisini Qara dənizə göndərib. Bunu “BlackSeaNews” nəşrinin baş redaktoru, hərbi ekspert Andrey Klimenko feysbuk səhifəsində yazıb.

Onun məlumatlarına əsasən, Kral donanmasının gəmisi dekabrın 17-də Bosfor boğazından Qara dənizə girib.

“Bu müasir gəmi sualtı gəmilər və desant əməliyyatları dəstək olaraq kəşfiyyat əməliyyatlarının keçirilməsi üçün nəzərdə tutulub”, - ekspert izah edib.

Qeyd edilir ki, bu, Azov böhranından sonra Qara dənizə daxil olan ilk NATO hərbi gəmisidir.